रन्जितालाई उपराष्ट्रपतिको उमेदवार बनाउने नागरिक उन्मुक्ति पार्टीको निर्णय

काठमाडौं । नागरिक उन्मुक्ति पार्टीले अध्यक्ष रन्जिता श्रेष्ठलाई उपराष्ट्रपतिको उमेदवार बनाउने निर्णय गरेको छ । आज बसेको संसदीय दलको बैठकले श्रेष्ठलाई उमेदवार बनाउने निर्णय गरेको प्रमुख सचेतक गंगाराम चौधरीले जानकारी दिए ।

आठ दलीय गठबन्धनले उपराष्ट्रपति जनता समाजवादी पार्टी (जसपा)लाई दिने निर्णय गरेको थियो । आठ दलमा नागरिक उन्मुक्ति पार्टी पनि छ । उक्त निर्णयका बाबजुद नाउपाले यस्तो निर्णय गरेको हो । उमेदवारीबारे गठबन्धनमा छलफल हुने चौधरीले बताए । ‘हाम्रो पार्टीको संसदीय दलको बैठकले उमेदवार उठाउने निर्णय गरेको हो,’ उनले भने, ‘गठबन्धनमा छलफल हुन्छ ।’