वालिङमा स्कुटर दुर्घटना हुँदा पूर्ववडाध्यक्ष श्रेष्ठको मृत्यु

काठमाडौं । स्याङ्जाको वालिङ नगरपालिका-१३ गाहाखोलामा आज बिहान स्कुटर दुर्घटना हुँदा एक जनाको मृत्यु भएको छ ।

मृत्यु हुनेमा वालिङ नगरपालिका-९ भुम्रेका ५५ वर्षीय बसन्त श्रेष्ठ रहेका छन् । श्रेष्ठ स्थानीय तह निर्वाचन २०७४ मा वालिङ नगरपालिका-९ को वडाध्यक्षमा कांग्रेसबाट निर्वाचित भएका थिए ।

गाहाखोलाबाट आँधीखोला जाने क्रममा ग १६ प ५४६१ नम्बरको स्कुटर आज बिहान ७ बजे दुर्घटना भएको प्रहरीले जानकारी दिएको छ ।