मुग्लिङ-पोखरा सडक भासिँदा यातायात अवरुद्द, भासिएको स्थानबाट कार मर्याङ्दीमा खस्यो

काठमाडौं । पृथ्वी राजमार्गअन्तर्गत मुग्लिङ-पोखरा सडक भासिँदा यातायाद अवरुद्द भएको छ ।

तनहुँको आँबुखैरेनी गाउँपालिका-४ डम्पीमा सडक भासिएको प्रहरीले जानकारी दिएको छ । गएराति नै सडक भासिएको बताइएको छ ।

सडक पुरै भासिएकाले तत्काल बाटो खुलाउन समस्या भएको छ । सडक अवरुद्द हुँदा मुग्लिङतर्फबाट तनहुँ, गोरखा, लमजुङ, कास्कीलगायत क्षेत्रमा जाने यात्रु अलपत्र परेका छन्।

यसैबीच, भासिएको ठाउँबाट एउटा कार मर्याङ्दी नदीमा खसेको छ । उज्यालो भएपछि कार नदीमा देखिएको प्रहरीले जानकारी दिएको छ । कारमा कति जना सवार दिए खुल्न सकेको छैन ।

उद्दारका लागि उद्दारकर्मीको टोली खटिइसकेको जानकारी दिइएको छ ।