विराटनगर। मोरङको विराटनगरमा बुधबार राति भएको मोटरसाइकल दुर्घटनामा एक प्रहरी सहायक हवल्दारको मृत्यु भएको छ। बेलबारी नगरपालिका–८का ३० वर्षीय भीम खड्का, जो कोसी प्रदेश प्रहरी कार्यालय रानीमा कार्यरत थिए, दुर्घटनापछि उपचारका क्रममा निधन भएको जिल्ला प्रहरी कार्यालय मोरङले जनाएको छ।
दुर्घटना विराटनगर महानगरपालिका–३ स्थित बरगाछी चोक नजिक कोसी राजमार्गमा राति १२ः२५ बजे भएको प्रहरीको विवरणमा उल्लेख छ। कञ्चनबारीतर्फ जाँदै गरेको बा.प्र. ०२–०४३ प ७७१६ नम्बरको मोटरसाइकल अनियन्त्रित भई दुर्घटना हुँदा खड्का गम्भीर घाइते भएका थिए।
उनीलाई उद्धार गरी विराट नर्सिङ होम लगिएकोमा उपचारका क्रममा मृत्यु भएको प्रहरीले पुष्टि गरेको छ।
प्रतिक्रिया