काठमाडौं । साताको पहिलो कारोबार दिन आइतबार नेपाल स्टक एक्सचेन्ज (नेप्से) २६.५१ अंकले घटेर २,६४९.५२ विन्दुमा झरेको छ । बजारमा गिरावट आए पनि कारोबार रकम भने सात अर्ब नाघेको छ ।
नेप्सेमा सूचीकृत ३४२ कम्पनीका १ करोड ५७ लाख ३६ हजार ३७२ कित्ता सेयर ८४ हजार १५६ पटक किनबेच हुँदा कुल कारोबार रकम ७ अर्ब ८ करोड ५४ लाख ४९ हजार ३३३ रुपैयाँ पुगेको छ ।
बजार घट्दा ४५ कम्पनीको सेयर मूल्य बढेको छ भने २११ कम्पनीको सेयर मूल्य घटेको छ ।
यस दिन सागर डिस्ट्रिलरी, निफ्रा ग्रीन इनर्जी, स्वस्तिक लघुवित्त, झापा इनर्जी र श्रीनगर एग्रिटेकको सेयर मूल्यमा सकारात्मक सर्किट लागेको छ । एनआईएमबी डिबेन्चर, जोशी हाइड्रो, हिमाल दोलखा हाइड्रो, स्वेतगंगा हाइड्रो र हिमालयन हाइड्रो भने सबैभन्दा धेरै गुमाउने कम्पनीमा परेका छन् ।
समूहगत उपसूचकमध्ये म्यानुफ्याक्चरिङ एण्ड प्रोसेसिङ र म्युचुअल फण्ड बाहेक बाँकी सबै सूचकहरू घटेका छन् ।
प्रतिक्रिया