काठमाडौं। बागमती प्रदेशका श्रम, रोजगार तथा यातायातमन्त्री जयराम थापा नेकपा (एमाले)को ११औँ महाधिवेशनका लागि प्रतिनिधि चयन हुन आफैँ क्षेत्र काठमाडौं–४ बाट प्रतिस्पर्धा गर्दा पराजित भएका छन्।
खुला समूहबाट दुई प्रतिनिधि चयन गर्ने प्रक्रियामा थापा तेस्रो स्थानमा सीमित भएका हुन्। उनले २०१ मत प्राप्त गरे। यसअघि बूढानीलकण्ठ नगरपालिकाका पूर्वमेयर रहेका उद्धव खरेल २१२ मतसहित दोस्रो हुँदै निर्वाचित भए। सबैभन्दा बढी २४१ मत पाएर श्रीकृष्ण श्रेष्ठ शीर्ष स्थानमा रहे।
थापा पार्टी अध्यक्ष केपी शर्मा ओली निकट मानिन्छन्। काठमाडौं–४ एमाले वाग्मती प्रदेश इन्चार्ज राजन भट्टराईको जिम्मेवारी क्षेत्र पनि यही हो।
प्रतिक्रिया