जनकपुर । अवैद्य काठ विरुद्ध वनका टोलीको विशेष अभियान जारी रहेको छ ।
धनुषाको लक्ष्मीनियाँ गाउँपालिका ३ गजरिया स्थित एउटा सः मिलमा छापामारी गरी अवैद्य काठ बरामद गरिएको छ । सो सः मिल क्षीरेश्वरनाथ नगरपालिका ३ का जगदीश ठाकुर र भंगहा नगरपालिका ९ का ललित ठाकुरको रहेको छ ।
कञ्चनवन भन्दा पूर्व रहेको सो सः मिलबाट सालको ९ थान गोलिया बरामद गरिएको छ । सो काठ ७१.६० क्वीफिट रहेको छ । सुराकीको आधारमा छापा मारिएको जानकारी डिभिजन वन कार्यालय धनुषाका डिएफओ विनोद सिंहले जानकारी दिए ।
छापामारी गर्न टोली पुग्दा सञ्चालकहरु भगेका थिए । छापामारी वन अधिकृत रामसुन्दर साह र जिल्ला कमन्डर वैद्यनाथ सिंहको नेतृत्वमा गरिएको छ । छापामारीको क्रममा नेपाल प्रहरीका टोली पनि पुगेका थिए ।
प्रतिक्रिया