कालीमाटीमा केही तरकारी र फलफूलको मूल्यमा सामान्य वृद्धि

काठमाडौँ । कालीमाटी फलफूल तथा तरकारी बजार विकास समितिले आज आइतबारको लागि मूल्य सार्वजनिक गरेको छ ।
जसअनुसार आज मुडेको आलु प्रतिकेजी ६६ रुपैयाँ ३३ पैसाबाट बढेर ६९ रुपैयाँ पुगेको छ भने सुकेको प्याज ११३ रुपैयाँ ६७ पैसा पुगेको छ ।

त्यस्तै, स्थानीय काउलीको पनि मूल्य प्रतिकेजी १० रुपैयाँले बढेर ९५ रुपैयाँ पुगेको छ भने रातो मूला ३१ रुपैयाँ ६७ पैसा पुगेको छ । यस्तै भने झिगुनी प्रतिकेजी ७५ रुपैयाँ तोकिएको छ । रायोको साग प्रतिकेजी ८८ रुपैयाँ ३३ पैसा रहेकोमा आज बढेर ९५ रुपैयाँ, बरेला १३५ रुपैयाँ, कन्य च्याउ १४६ रुपैयाँ ६७ पैसा, ब्रोकाउली १४० रुपैयाँ र शरीफा १३३ रुपैयाँ ३३ पैसा पुगेको छ ।

आज खुर्सानीको मूल्य समेत बढेको छ । आज हरियो खुर्सानीको भाउ बढेर प्रतिकेजी ११० रुपैयाँ पुगेको छ भने,अकबरे खुर्सान्ी १८० रुपैयाँ, भेडे खुर्सानी १२५ रुपैयाँ, हरियो लसुन ३२६ रुपैयाँ ६७ पैसा र फूजी स्याउ ३३६ रुपैयाँ ६७ पैसा तोकिएको छ ।