रास्वपाको प्रथम राष्ट्रिय भेला सुरु

काठमाडौं । राष्ट्रिय स्वतन्त्र पार्टी (रास्वपा)को प्रथम राष्ट्रिय भेला आजदेखि सुरु भएको छ । काठमाडौंको कमलादीस्थित नेपाल प्रज्ञा–प्रतिष्ठानमा पार्टी सभापति रवि लामिछानेले भेलाको उद्घाटन गरेका प्रवक्ता मनीष सुमनले जानकारी दिए ।

भेला बुधबारसम्म चल्नेछ । पहिलो दिन आज कार्यबहाक महामन्त्री एवम् संगठन विभाग प्रमुख कबिन्द्र बुर्लाकोटीले सांगठनिक प्रतिवेदन पेस गर्नेछन् । सोही प्रतिवेदनमाथि छलफल हुनेछ ।

विधान संशोधन, विचार, संगठन, संसदीय मामिला, अभियान, उम्मेद्वार क्लब/लिडरसिप एकेडेमीलगायत एजेन्डामा भेलामा छलफल गरिनेछ ।