काठमाडौँ । सामाजिक सुरक्षा भत्तासहित सार्वजनिक सेवाका लागि राष्ट्रिय परिचयपत्र लागू गर्ने सरकारको निर्णयमा सर्वोच्च अदालतले रोक लगाएको छ ।
सर्वोच्च अदालतले सामाजिक सुरक्षा भत्तासहित सार्वजनिक सेवाका लागि राष्ट्रिय परिचयपत्र लागू नगर्न आदेश दिएको हो ।
सर्वोच्चका न्यायाधीशद्धय मनोजकुमार शर्मा र तिलप्रसाद श्रेष्ठको इजलासले शुक्रबार राष्ट्रिय परिचयपत्र लागू नगर्नु–नगराउनु भनि आदेश जारी गरेको हो ।
सरकारले सामाजिक सुरक्षा भत्ता लगायतमा राष्ट्रिय परिचयपत्र अनिवार्य गरेको थियो ।
सरकारको निर्णयविरुद्ध अधिवक्ता रामबहादुर रावल लगायतले सर्वोच्च अदालतमा रिट निवेदन दर्ता गरेका थिए ।
प्रतिक्रिया