विश्वकप क्रिकेट छनोटमा नेपालको पहिलो खेल जिम्बावेसँग

काठमाडौं। आईसीसी एक दिवसीय विश्वकप क्रिकेटको छनोटमा नेपालले आफ्नो पहिलो खेल जिम्बावेसँग खेल्ने भएको छ ।

अन्तर्राष्ट्रिय क्रिकेट परिषद आईसीसीले आज सार्वजनिक गरेको खेल तालिका अनुसार ३ असारदेखि सुरु हुने प्रतियोगिताको उद्घाटन खेल नेपालले घरेलु टोली जिम्बावेसँग हरारे स्पोर्टस क्लबमा खेल्नेछ ।

नेपालले पहिलो खेल जिम्बावेविरुद्ध खेल्ने भएको हो। तालिकाअनुसार नेपालले असार ३ गते जिम्बावेसँग खेल्नेछ।

त्यस्तै दोस्रो खेल अमेरिकाविरुद्ध असार ५ गते खेल्नेछ भने असार ७ गते वेस्ट इन्डिजविरुद्ध खेल्नेछ। नेपालले समूह चरणको अन्तिम खेल असार ९ गते नेदरल्यान्ड्सविरुद्ध खेल्नेछ।

सहूमचरणको खेलअघि नेपालले दुइटा अभ्यास खेल खेल्ने भएको छ। नेपालले जेठ ३० गते युएईविरुद्ध र जेठ ३२ गते ओमानविरुद्ध अभ्यास खेल खेल्नेछ।

राष्ट्रिय खेलकुद परिषद (क्यान)ले जिम्बावे टूरका लागि नेपालको प्रारम्भिक टोली सोमबार घोषणा गरेको छ। टोलीमा रोहित पौडेलको कप्तानीमा २२ जना समेटिएका छन्।