काठमाडौं । इटालियन सिरी ए फुटबल शनिबारबाट सुरु हुँदा साबिक विजेता एसी मिलान र उपविजेता इन्टर मिलानले विजयी सुरुवात गरेका छन् ।
पहिलो खेलमा मिलानले उडिनेसलाई ४–२ ले हरायो । मिलानको जितमा एन्टी रेबिकले दुई तथा थियो हर्नान्डेज र ब्राहिम डियाजले एक–एक गोल गरे । उडिनेसका रोड्रिगो र एडम मासिनाले सान्त्वना गोल गरे ।
यस्तै, अर्को खेलमा इन्टर मिलाएनले लेचीलाई २–१ ले हरायो । इन्टरको जितमा रोमेलु लुकाकु र डेन्जेल डुमफ्रिएसले एक एक गोल गरे । लेचीका लागि एसन सिसेले एक गोल फर्काए ।
यस्तै, टोरिनो र एटलान्टाले समेत आआफ्नो खेलमा तीन अंक जोडेका छन् । टोरिनोले मोन्जालाई २–१ र एटलान्टाले साम्पडोरियालाई २–० ले पराजित गर्यो ।
प्रतिक्रिया