सरकारमा जाने तयारीमा लोसपा, प्रधानमन्त्रीसँग छलफल गर्दै

काठमाडौं । लोकतान्त्रिक समाजवादी पार्टी (लोसपा)ले सरकारमा जाने तयारी गरेको छ ।

प्रतिनिधिसभा र प्रदेशसभा निर्वाचनको मिति घोषणा भएसँगै लोसपाले सरकारमा जाने तयारी गरेको हो ।

प्रधानमन्त्री शेरबहादुर देउवाले यसअघि नै लोसपालाई सरकारमा ल्याउने तयारी गरेका थिए । लोसपाले सरकारमा सहभागी हुनका लागि आज प्रधानमन्त्री शेरबहादुर देउवासँग छलफल गर्दैछ।

छलफल अपरान्ह ४ बजे प्रधानमन्त्री निवास बालुवाटामा हुने नेताहरुले बताएका छन् ।

लोसपाले लामो समयदेखि आफ्ना कार्यकतामाथि लगाइएका मुद्वा फिर्ता लिनुपर्ने लगायतका माग राख्दै आएको छ ।