काठमाडौं । सत्तारुढ पाँच दलीय गठबन्धनले आगामी निर्वाचनको सिट बाँडफाँडका लागि कार्यदल गठन गरेको छ ।
शुक्रबार बिहान प्रधानमन्त्री निवास बालुवाटारमा बसेको गठबन्धनको बैठकले सिट भागबण्डा टुंग्याउनका लागि कार्यदल गठन गर्ने निर्णयअनुसार ११ सदस्यीय कार्यदल गठन भएको हो ।
कार्यदलले भदौको दोस्रो सातासम्म भागबण्डा टुंग्याउने छ । कार्यदलमा नेपाली कांग्रेसबाट कृष्णप्रसाद सिटौला, महामन्त्री गगनकुमार थापा र ज्ञानेन्द्रबहादुर कार्की छन् भने माओवादी केन्द्रबाट देवप्रसाद गुरुङ र वर्षमान पुन छन् ।
यस्तै, नेकपा एकीकृत समाजवादीबाट उपाध्यक्ष प्रमेश हमाल र महासचिव बेदुराम भुसाल, जनता समाजवादी पार्टीबाट रामसहाय यादव, रकम चेम्जोङ र राष्ट्रिय जनमोर्चाबाट हिमलाल पुरी र आनन्द शर्मा सदस्य छन् ।
बैठकमा आगामी निर्वाचनमा गठबन्धन गरेर जाने विषयमा भने सबै शिर्ष नेताहरु सहमत भएका छन् ।
प्रतिक्रिया