काठमाडौं । जापानका पूर्वप्रधानमन्त्री सिन्जो आवेको निधनमा आज नेपालमा राष्ट्रिय शोक मनाईँदैछ ।
शुक्रबार साँझ बसेको मन्त्रिपरिषद् बैठकले आबेको सम्मानमा शनिबार राष्ट्रिय शोक मनाउने निर्णय गरेको थियो । ६७ वर्षीय आबेको शुक्रबार गोली प्रहार गरी हत्या गरिएको हो ।
स्थानीय समयअनुसार शुक्रबार बिहान साढे ११ बजेतिर दक्षिण पश्चिम जापानको नारा सहरमा राजनीतिक प्रचार कार्यक्रममा बोल्ने क्रममा आबेमाथि गोली प्रहार भएको थियो । उनको अस्पतालमा उपचारका क्रममा मृत्यु भएको थियो ।
आबेको गोली प्रहार गरी हत्या भएकोमा उक्त निन्दनीय कार्यको घोर भर्त्सना गर्दै सरकारले जापान सरकार, जापानी जनता र आबेको परिवारप्रति समवेदना व्यक्त गरेको छ ।
यस्तै, छिमेकी मुलुक भारत लगायतका देशमा पनि आवेको निधनको शोकमा आज राष्ट्रिय शोक मनाईँदैछ ।
प्रतिक्रिया