काठमाठौं । पोखराबाट जोमसोम जाने क्रममा सम्पर्कविहीन भएको तारा एयरको नाइन एन एईटी ट्विनअटर विमानमा १९ यात्रु र तीनजना चालक दलका सदस्य रहेको खुलेको छ ।
यात्रुमध्ये ६ जना विदेशी रहेको बताइएको छ । विमान बिहान ९ बजेर ५५ मिनेटमा उडेको थियो ।
विमान म्याग्दीको घोडेपानीसम्म सम्पर्कमा रहेको र त्यसपछि सम्पर्क टुटेको विमानस्थल स्रोतले जानकारी दिएको छ । जहाज हराउनुअघि १२ हजार ८ सय २५ फिटको अल्टिच्युडमा उडिरहेको थियो।
विमान दुर्घटनामा परेको आशंका गरिएको छ । अहिले विमानको खोजी सुरु गरिएको छ ।
प्रतिक्रिया