आफ्ना माग सम्बोधन हुनुपर्ने माग राख्दै लघुवित्त पीडितहरू काठमाडौंको माइतीघर मण्डलामा आन्दोलनरत छन्। खुला आकाशमुनि छाता र पालको सहारामा दिनरात बिताउँदै आएका पीडितहरूले आफूहरू आर्थिक, सामाजिक र मानसिक पीडामा परेको गुनासो गरेका छन्। लघुवित्त संस्थाहरूबाट लिएको ऋण, चर्को ब्याज, असुलीको दबाब र आफूहरूमाथि भएको भनिएको अन्यायविरुद्ध उनीहरू लामो समयदेखि आवाज उठाउँदै आएका छन्। तर, पटक–पटक ध्यानाकर्षण गराउँदा पनि राज्य पक्षबाट प्रभावकारी पहल नभएको उनीहरूको आरोप छ।
प्रतिक्रिया