टोकियो। जापानका हाईस्कुल विद्यार्थीमध्ये करिब १० प्रतिशतले चिकित्सकको सल्लाहबिना औषधि बारम्बार प्रयोग गरेको स्वास्थ्य मन्त्रालयको सर्वेक्षणले देखाएको छ।
सन् २०२४ आर्थिक वर्षमा गरिएको सर्वेक्षणअनुसार, दुरुपयोग अनुभव गरेका विद्यार्थीमध्ये ४.६ प्रतिशतले दैनिक र ६.३ प्रतिशतले हप्तामा केहीपटक औषधि प्रयोग गरेको जानकारी प्राप्त भएको छ।
सर्वेक्षणमा विद्यार्थीहरूलाई सोधिएको थियो कि उनीहरूले पछिल्लो वर्ष ‘मूड बदल्न वा उत्तेजना पाउन’ निर्धारित मात्राभन्दा बढी वा बारम्बार औषधि प्रयोग गरेका थिए कि छैनन्।
सर्वेक्षणले सबै हाईस्कुल विद्यार्थीमा औषधि दुरुपयोगको दर करिब १.४ प्रतिशत देखाएको छ। लिङ्ग अनुसार पुरुषमा ०.९ प्रतिशत र महिलामा १.७ प्रतिशत रहेको छ।
५१ हजार विद्यार्थीले सेप्टेम्बर २०२४ देखि फेब्रुअरी २०२५ सम्म सर्वेक्षणमा उत्तर दिएका थिए। सर्वेक्षणले विशेष गरी दुखाइ कम गर्ने गैर–प्रिस्क्रिप्सन औषधि अत्यधिक प्रयोगबारे बढ्दो चिन्ता देखाएको छ।
स्वास्थ्य मन्त्रालयले प्रत्येक तीन वर्षमा हाईस्कुल विद्यार्थीबीच मदिरा सेवन, धूम्रपान र औषधि दुरुपयोग सम्बन्धी राष्ट्रिय सर्वेक्षण गर्दै आएको छ। सन् २०२१ को सर्वेक्षणमा १.६ प्रतिशत विद्यार्थीले गैर–प्रिस्क्रिप्सन औषधि दुरुपयोग गरेको पाइएको थियो।
प्रतिक्रिया