खल्ती र आइएमई पे बीच नेपाल सुपर लिग २०२५ को टिकटिङ साझेदारी

काठमाडौं । नेपाल सुपर लिग २०२५ को तेस्रो संस्करणको लागि खल्ती र आइएमई पे बीच नयाँ टिकटिङ साझेदारी भएको छ। यस साझेदारी अनुसार, दर्शकहरूले खल्ती एप वा आइएमई पे एप मार्फत सजिलै टिकट किन्न सक्नेछन्।

चैत्र १६ देखि वैशाख १३ सम्म दशरथ रंगशालामा हुने यस लिगमा ७ वटा फुटबल क्लब सहभागी हुँदैछन्, जसमा ललितपुर सिटी, काठमाडौं रेजर्स, बुटवल लुम्बिनी, झापा, चितवन, पोखरा थन्डर र धनगढी रहेका छन्।

नेपाल सुपर लिगका प्रबन्ध निर्देशक श्रेयान्स कार्कीले भने, “खल्ती र आइएमई पे सँगको साझेदारीले टिकटिङ प्रक्रिया निकै सरल र सहज बनाउनेछ, जसले दर्शकहरूको अनुभवलाई अझ रमाइलो र पहुँचयोग्य बनाउनेछ।”

आइएमई पे का कार्यकारी अधिकृत प्रविन रेग्मीले पनि फुटबलको विकासमा डिजिटल समाधानको महत्वलाई जोड्दै यस साझेदारीलाई गर्वका साथ स्वीकारे।

खल्तीका प्रमुख कार्यकारी अधिकृत विनय खड्काले पनि यस साझेदारीलाई खेलप्रेमीहरूको लागि नयाँ अनुभवको शुरुआत भनेका छन्।

खल्ती एप www.khalti.com/app बाट डाउनलोड गर्न सकिन्छ।

थप जानकारीको लागि, सौगात सापकोटासँग [email protected] मा सम्पर्क गर्न सकिन्छ।