चलचित्र ‘जन्ते बाख्रो’ को शुभ मुहूर्त

काठमाडौँ । नेपाली चलचित्र ‘जन्ते बाख्रो’ को शुभ मुहूर्त गरिएको छ ।

शुक्रबार काठमाडौंको कमलादीस्थित गणेशस्थान मन्दिरमा फिल्मको शुभ मुहूर्त गरिएको हो ।

मुहूर्त कार्यक्रममा फिल्मका निर्देशक, निर्मातालगायत कलाकारको उपस्थिति रहेको थियो ।

सिमोस सुनुवारको निर्देशनमा बन्ने चलचित्र प्रदीप भारद्वाजले लेखेका हुन् । कमेडी कथावस्तुमा निर्माण हुने यस चलचित्रको निर्माता सन्तोष गौतम रहेका छन् ।

चलचित्रका मुख्य कलाकार सौगात मल्ल र गरिमा शर्माले रहेको छन् । साथै सिनेमामा सौगात र गरिमासँगै आशिफ शाह, रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी लगायतका कलाकारहरुको अभिनय रहने छ । चलचित्र पौष २० गतेबाट फ्लोरमा जाने छ ।