बागलुङमा पिकअप भ्यान दुर्घटना हुदाँ पाँचजनाको मृत्यु

काठमाडौं । बागलुङमा सोमबार बिहान एउटा पिकअप भ्यान दुर्घटना भएको छ ।

ग२च ९२४७ नम्बरको भ्यान सडकदेखि १०० मिटरभन्दा तल खसेको प्रहरीले जनाएको छ ।

दुर्घटनामा परी भ्यानमा सवार  पाँचजनाको मृत्यु भएको जिल्ला प्रहरी कार्यालय बागलुङका प्रहरी निरीक्षक केशव थापाले बताए ।

बागलुङको जैमिनी नगरपालिका–८, छिस्तीबाट सदरमुकाम बागलुङ बजारतर्फ आउँदै गरेको भ्यान दुर्घटना भएको हो । जैमिनी–७, जैदीको व्यार्थलामा भ्यान दुर्घटना भएको प्रहरीले जनाएको छ ।

मृतकको पहिचान खुल्न बाँकी छ । भ्यानमा सवार एकजनाको जीवितै उद्धार गरिएको प्रहरीले जनाएको छ ।