कतिपय मानिस कालो छालालाई सुन्दर मान्दैनन् । सामान्यता गोरो छाला भएका मानिस राम्रो भन्ने कतिपयको सोच हुन्छ । बजारमा समेत गोरो बनाउने हजारौँ उत्पादन पाइन्छ । तर धेरैलाई थाहा नहुन सक्छ, कालो छालाले स्वास्थ्यलाई धेरै लाभ पुर्याउँछ । कालो छालामा पिगमेन्ट मेलानिनको मात्रा धेरै हुन्छ जुन स्वास्थ्यका लागि निकै फाइदाजनक छ ।
यस्तो छ कालो छाला हुनुको फाइदा:
– छालाको क्यान्सर हुनबाट जोगाउँछ
छालामा पाइने डार्क पिग्मेन्टेशनका कारण गोरो छालाको तुलनामा कालो छाला भएकाहरुमा क्यान्सर हुने सम्भावना कम हुन्छ ।
– हानिकारक अल्ट्राभ्वाइलेट किरणबाट बचाउँछ
कालो छालामा मेलानिनको मात्रा अत्यधिक हुन्छ । यसले घामको हानिकारक अल्ट्राभ्वाइलेट किरणबाट बचाउँछ ।
– स्नायू प्रणालीको सुरक्षा
कालो छालामा पाइने मेलानिनले सेन्ट्रल नर्भस सिस्टमलाई हानी पुर्याउने खतरनाक प्यारासाइटबाट बचाउँछ ।
– संक्रमण हुनबाट जोगाउँछ
मेलानिनले संक्रमण फैलाउने ब्याक्टेरियाबाट पनि बचाउँछ । साथै गोरो छालाको तुलनामा कालो छालामा कम संक्रमण हुन्छ ।
– जवान देखिन्छ
कालो छालामा पाइने मेलानिनले छालालाई लामो समयसम्म चाउरी पर्नबाट जोगाउँछ । जसका कारण कालो छाला हुनेहरु लामो समयसम्म जवान देखिने गर्दछन् ।
– रोग प्रतिरोधी क्षमता
मेलानिनका कारण शरीरको रोग प्रतिरोधी क्षमतामा वृद्धि हुने गर्दछ । यस्तो छाला हुनेहरूमा रुघा–खोकीजस्ता रोगको जोखिम समेत कम हुन्छ ।
-गर्भावस्थामा फाइदाजनक
मेलानिन महिलामा स्वस्थ अण्डाको उत्पादनमा मद्दत गर्दछ । गर्भावस्थासँग जोडिएका विभिन्न समस्याबाट पनि यसले बचाउँछ ।
प्रतिक्रिया