एनसेल खरिदबिक्री नेपालको कर प्रणाली, विधि विधानभन्दा बाहिर देखिएकाले छानविन थालेको हाे : प्रधानमन्त्री

काठमाडौं । प्रधानमन्त्री पुष्पकमल दाहाल प्रचण्डले एनसेल खरिदबिक्री नेपालको कर प्रणाली, विधि विधानभन्दा बाहिर देखिएकाले छानविन थालेको बताएका छन्।

महोत्तरीस्थित जनता मावि गौरीडाँडाको स्वर्ण जयन्ती समारोहलाई सम्बोधन गर्दै आफूले गठबन्धन र क्याबिनेटबाट निर्णय गरेर छानविन समिति बनाएको बताए।

उनले सरकारले सुरु गरेको राम्रो काममा सहयोग गर्न आह्वान गरे। उनले आफूले भूमि र वनसम्बन्धि समस्या समाधानको पहल थालेको बताए।

उनले नेपालको कुटनीतिक लेबल धेरै माथि उठेको देखेर केही प्रतिक्रियावादी सामन्त दलाल आत्तिएको टिप्पणी गरे।