काठमाडौं । मुगुमा चार जनाको हत्या अभियोगमा प्रकाउ परेका दुई जनालाई प्रहरीले सार्वजनिक गरेको छ । जिल्ला प्रहरी कार्यालय मुगुले शुक्रबार अभियुक्तलाई सार्वजनिक गरेको हो ।
कार्तिक १० गते छायाँनाथ रारा नगरपालिका–६ मन्दुगाउँकी २८ वर्षीया श्रीदेवी बोहोरा र उनका तीन छोरा छोरीको सामूहिक हत्या भएको थियो ।
पक्राउ पर्नेमा छायाँनाथ रारा नगरपालिका–७ पिना घर भई बाँकेको वैजनाथ गाउँपालिका–१ चिसापानी बस्ने ३१ वर्षीय ‘काले’ भनिने गोर्खराज शाही र छायाँनाथ रारा–६ मन्दुका ३१ वर्षीय गोपालबहादुर बोहरा रहेका छन् ।
प्रहरीका अनुसार शाहीलाई कार्तिक २० गते सुर्खेतको वीरेन्द्रनगर नगरपालिका–५ पँञ्चकोशीटोलबाट र बोहरालाई मुगुबाटै पक्राउ गरेको थियो ।
प्रतिक्रिया