मुगुमा एकै परिवारका ४ जनाको हत्या गरेको आरोपमा एकजना पक्राउ

काठमाडौं । मुगुमा एकै परिवारको सामूहिक हत्या गरेको आरोपमा प्रहरीले एक जनालाई पक्राउ गरेको छ। उनलाई शुक्रबार सार्वजनिक गर्ने प्रहरीको तयारी छ ।

नेपाल प्रहरीको केन्द्रीय अनुसन्धान व्यूरोले समेत अनुसन्धान गरेको घटनामा संलग्न रहेको आरोपमा मुगु छायानाँथकै एकजनालाई प्रहरीले पक्राउ गरेको हो ।

मुगु छायानाथ रारा नगरपालिका घर भई हाल कोहलपुर बस्ने एक व्यक्तीलाई पक्राउ गरेको र अन्य एक जनाको पनि संलग्नता रहेको प्रहरीको अनुमान छ ।

कात्तिक १० गते बिहान साढे ९ बजे छायानाथ रारा नगरपालिका–६ मुन्दुकी २८ वर्षीया श्रीदेवी बोहोरा, उनका ११ वर्षका छोरा मनोज, सात वर्षकी छोरी अप्सरा र ५ महिने अर्का छोरा रहरको शव भेटिएको थियो ।