काठमाडौं। सुदूरपश्चिम विश्वविद्यालयबाट ‘लर्न एन्ड अर्न’ कार्यक्रमअन्तर्गत इजरायल गएका ४९ जना विद्यार्थीहरुको नेतृत्व गरिरहेका विपिन सुवेदीले प्रधानमन्त्री पुष्पकमल दाहाल प्रचण्डसँग छिट्टै उद्धार गरिदिन आग्रह गरेका छन् ।
हाल बङ्करमा रहेक सुवेदीले प्रधानमन्त्रीसँग मेसेन्जर कलमार्फत नेपाल फकाईदिन आग्रह गरेका छन् । “हामीलाई छिटोभन्दा छिटो नेपाल फर्काइदिनुपर्यो,” उनले प्रधानमन्त्रीसँग भने ।
प्रधानमन्त्रीले त्यसका लागि आफूहरु तीन दिनदेखि लागि परिरहेको सुवेदीलाई बताए । मन्त्रिपरिषद् र सर्वदलीय बैठक बोलाइएको भन्दै उनले राजदूतावाससँग पनि कुरा गरिरहेको जानकारी गराए ।
सुवेदी सुदूरपश्चिम विश्वविद्यालयबाट इजरायल गएका ४९ जना विद्यार्थीहरुको टिम लिडर हुन् । उनी अहिले त्यहाँको बङ्करमा छन् ।
प्रतिक्रिया