विवादास्पद अभिव्यक्ती दिएको आरोपमा आचार्य श्रीनिवास पक्राउ

काठमाडौं । प्रहरीले विवादस्पद अभिव्यक्ति दिएको आरोपमा धर्मगुरू आचार्य श्रीनिवासलाई पक्राउ गरेको छ ।

प्रहरीको केन्द्रीय अनुसन्धान ब्युरोको टोलीले मंगलबार साँझ श्रीनिवासलाई सुनसरीको बराहक्षेत्रबाट पक्राउ गरेको हो । उनले हिन्दुको विरोध गर्ने र गौहत्या गर्नेलाई खुकुरीले काट्न उक्साउँदै अभिव्यक्ति दिएको भिडिओ सामाजिक सञ्जालमा भाइरल भएको थियो ।

श्रीनिवास आचार्यले २०७४ चैतमा पनि आफैंमाथि गोली हान्न लगाएर धार्मिक हिंसा भड्काउने प्रयास गरेको आरोपमा प्रहरीले पक्राउ गरेको थियो ।