दलाल विचौलीयाको भए भुक्तानी दिन्थ्यो, क्रिकेट खेलाडीलाई सरकारले झुक्यायो : सांसद शाह

काठमाडौं। रास्वपा सांसद अशिम शाहले क्रिकेट खेलाडीलाई सरकारले पुरस्कारको घोषणा गरेर झुक्याएको आरोप लगाएका छन्। प्रतिनिधि सभाको बैठकमा बोल्दै खेलाडीका लागि रकम भुक्तानी गर्ने प्रक्रिया अघि नबढाएकोमा आपत्ति जनाए।

उनले भने, ‘आज पनि नेपाली क्रिकेट टोलीले उत्कृष्ट प्रदर्शन गरेको छ। बधाई दिन त सरकारको बिर्सेन होला तर, पुरस्कार दिन चाहिँ बिर्सेको छ। सरकारको बिर्सेको कुरा पटक–पटक सदनमा उठाउँन मलाई लाज लाइसकेको छ। क्रिकेट खेलाडीले लिग जित्दै गए सरकारले उदारो पुरस्कार घोषणा गर्दै गयो। खेलाडीले पाउनुपर्ने रकम १६/१७ लाख जम्मा भइसकेको छ। तपाईंहरु खेल खेल्न जानुस् फर्किँदा पैसा आउँछ भनेर प्रधानमन्त्रीले भन्नुभयो। तर, भुक्तानीको कुरा छैन। तर, दलाल, विचार, ठेकेदार कुरा भएको भए अग्रिम भुक्तानी हुन्थ्यो होला। तर, खेलाडिलाई झुटो आश्वासनमा झुलाइएको छ।’