नेपाल, हङकङ र युएईबिच त्रिकोणात्मक सिरिज आयोजना गर्ने क्यानको निर्णय

काठमाडौं । नेपाल क्रिकेट संघले अर्को महिना त्रिकोणात्मक शृङ्खला आयोजना गर्ने भएको छ ।

नयाँ कार्यसमितिको मंगलबार बसेको बैठकले टी–२० विश्वकप छनोटको तयारीका लागि नेपाल, हङकङ र यूएईबीच त्रिकोणात्मक शृङ्खला आयोजना गर्ने निर्णय गरेको हो ।

प्रतियोगिता असोज ३० गतेदेखि कात्तिक ९ गतेसम्म हुनेछ । संघको बैठकले इपिएल आयोजनाको अनुमति दिने निर्णय समेत गरेको छ ।