सिंहदरबारमा प्रमुख दलका शिर्ष नेताको बैठक, ओली पनि सहभागी

काठमाडौं । प्रधानमन्त्रीले बोलाएको संसदमा प्रतिनिधित्व गर्ने प्रमुख राजनीतिक दलको बैठक सिंहदरबारमा जारी छ । सिंहदरबारस्थित प्रधानमन्त्री तथा मन्त्रिपरिषद् कार्यालयमा राष्ट्रिय मान्यताप्राप्त दलका शीर्ष नेताहरु सहभागी छन् ।

बैठकमा प्रधानमन्त्री पुष्पकमल दाहाल, नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टीका सभापति रवि लामिछाने, राष्ट्रिय प्रजातन्त्र पार्टीका उपाध्यक्ष बुद्धिमान तामाङ लगायत नेता सहभागी भएका छन् ।

यसअघि आइतबार बसेको राष्ट्रिय मान्यताप्राप्त दलको बैठकमा उपस्थित नभएका एमाले अध्यक्ष ओली सोमबारको बैठकमा भने सहभागी भएका छन् । आइतबारको बैठकमा नेकपा एमालेका तर्फबाट उपाध्यक्ष सुवास नेम्वाङ सहभागी थिए ।