मोन्टी देशाईको भिसा आयो, बिहिबार अफ्रिका जाने

काठमाडौं । नेपाली राष्ट्रिय क्रिकेट टोलीको मुख्य प्रशिक्षक मोन्टी देशाईको दक्षिण अफ्रिकाको भिसा आएको छ ।

प्रशिक्षक मोन्टीको भिसा आएको नेपाल क्रिकेट संघले जनाएको छ । संघका अनुसार उनी भोली बिहान चार बजे भारतबाटै दक्षिण अफ्रिका जानेछन् ।

दक्षिण अफ्रिकामा अभ्यास खेलका लागि गएको नेपाली टोलीसँग प्रशिक्षक र सन्दिप लामिछाने गएका थिएनन् । दुई दिन अघिमात्र सन्दिप लामिछाने त्यसतर्फ गएका थिए । नेपाले भोली पहिलो अभ्यास खेलमा स्कटल्याण्डसँग खेल्दैछ ।