सुधन गुरुङ रास्वपाको पार्टी कार्यालय पुगे

काठमाडौं । हामी नेपाल नामक संस्थाका संयोजक सुधन गुरुङ राष्ट्रिय स्वतन्त्र पार्टी (रास्वपा) को पार्टी कार्यालय पुगेका छन्।

रास्वपाका सभापति रवि लामिछाने र काठमाडौं महानगरपालिकाका मेयर बालेन्द्र शाह (बालेन) बीच सहमति भएको भए पनि ऊर्जामन्त्री कुलमान घिसिङ र उनको उज्यालो नेपाल पार्टी समेटिन नसकेको विषयमा छलफल गर्न गुरुङ पार्टी कार्यालय पुगेका हुन्।

आइतबार रवि लामिछाने र बालेन्द्र शाहबीच सहमति भएको थियो। तर सो सहमतिमा कुलमान घिसिङ र उनको पार्टी सहभागी नभएपछि राजनीतिक छलफल आवश्यक भएको बताइएको छ।

यसै सन्दर्भमा सभापति रवि लामिछानेसहित पार्टीका शीर्ष नेताहरूसँग कुराकानी गर्ने उद्देश्यले गुरुङ वनस्थलीस्थित रास्वपाको केन्द्रीय कार्यालय पुगेको जनाइएको छ।