काठमाडौं — राइड–हेलिङ सेवा प्रदायक इनड्राइभले आफ्नो ‘प्लेटिनम ड्राइभर गिभअवे’ अभियानका विजेताहरूलाई काठमाडौंमा आयोजित समारोहमा पुरस्कार प्रदान गरेको छ। कम्पनीका अनुसार अभियानमा चालक साझेदारहरूको सक्रिय सहभागिता प्राप्त भएको थियो।
साप्ताहिक चुनौती तथा पुरस्कारमार्फत उत्कृष्ट चालकलाई पहिचान गर्ने उद्देश्यले सञ्चालन गरिएको अभियानमा क्याब श्रेणीबाट हरि पाण्डे र बाइक/मोटो श्रेणीबाट आकाश तामाङ विजेता बने। दुवै चालकले तीनै चुनौती हप्तामा प्लेटिनम स्थिति कायम राखेका थिए।
योग्यता पूरा गरेका चालक साझेदारहरूमध्येबाट भाग्य–ड्र मार्फत विजेता छनोट गरिएको कम्पनीले जनाएको छ। विजेताको घोषणा नोभेम्बर ७ मा इनड्राइभ नेपालको आधिकारिक टिकटक च्यानलमार्फत प्रत्यक्ष प्रसारण गरिएको थियो।
प्रतिक्रिया