काठमाडौं । काठमाडौं महानगरपालिका वडा ८ ले भण्डार क्षेत्र खुलाउन पशुपति क्षेत्र विकास कोषलाई ध्यानाकर्षण गराएको छ ।
आज कामपा ८ का वडाअध्यक्ष आशामान संगत सहित स्थानीयहरूले पशुपति क्षेत्र विकास कोषका कार्यकारी निर्देशक सुवासचन्द्र जोशीलाई मौखिक रूपमा ध्यानाकर्षण गराएका हुन् ।
काठमाडौं महानगरपालिका वडा ८ का वडाअध्यक्ष आशमान संगतले, विगत लामो समयदेखि बन्द अवस्थामा रहेको भण्डारखाल परिसर चाडोभन्दा चाडैं खुलाउन आग्रह गरे ।
उनले, जयवागेश्वरी माँको १२ वर्षे जात्रा सञ्चालन ब्यवस्थापन र यहाँका स्थानीय मठमन्दिरको पुजारीहरूको आवश्यकता अनुसारको ब्यवस्थापन लगायतका विषयमा ध्यानाकर्षण गराए ।
त्यस्तै, स्थानीयहरूले स्थानीयले दैनिक रूपमा विहान बेलुका मर्डिङ बाक गरिरहेको स्थान मौन रूपमा बन्द गरेर राख्नु अनुचित रहेको र यथाशीघ्र खोल्नुपर्नेमा ध्यानाकर्षण गराएका हुन् ।
त्यस्तै, पशुपति क्षेत्र विकास कोषका कार्यकारी निर्देशक सुवासचन्द्र जोशीले, अदालतमा भण्डारखाल सम्बन्धि मुद्दा रहेकाले आफुले समयमा नै सञ्चालनमा ल्याउन नसकेको र यथाशीघ्र भण्डारखाल खुल्ला गर्नेमा आफूपनि तयार रहेको बताए ।
उनले सोमबार जनप्रतिनिधि सहित स्थानीयको भेला गरेर भण्डारखाल परिसर खुल्ला गर्ने विषयमा आफूहरू सक्षम रहेको बताए ।
उनले, आवश्यक पहल कदमी सहित स्थानीयहरूको भावना अनुसार नै काम गरेर अगाडि बढ्ने जोशीले बताए ।
पशुपति क्षेत्र विकास कोष सञ्चालक परिषद्को २०८१ असोज ११ गते बसेको बैठकले सर्वसाधारणलाई भण्डारखाल प्रवेशमा अनिश्चितकालीन समयको लागि प्रवेशमा रोक लगाएको थियो ।
प्रतिक्रिया