काठमाडौं । काठमाडौंको तारकेश्वर नगरपालिकामा वडा नम्बर-२ मा एकै परिवारका चार जना मृत फेला परेका छन् ।
मृत फेला पर्नेमा श्रीमान-श्रीमती र दुई छोराछोरी रहेका छन् । काठमाडौं प्रहरीका अनुसार मृतकमा ४१ वर्षीय दिनेश पाण्डे, ३९ वर्षीया सुनिता पाण्डे, १३ वर्षीय आशिका पाण्डे र ८ वर्षीय आशिक पाण्डे मृत फेला परेका हुन् ।
घटनाको प्रकृति हेर्दा हत्याको आशंका गरिएको प्रहरीले जानकारी दिएको छ । उनीहरु मृत फेला परेको कोठामा चक्कु फेला परेको छ ।
मृतक सुनिता केही दिनमै बेलायत जाने तयारीमा थिइन् । थप अनुसन्धान अगाडि बढाइएको प्रहरीले जनाएको छ ।
प्रतिक्रिया