काठमाडौं । इण्डियन आयल कर्पोरेशनले पेट्रोलियम पदार्थको मूल्य घटाएर मूल्य सूची नेपालमा पठाएको छ ।
आईओसीले पठाएको नयाँ मूल्य सूचीअनुसार पेट्रोलको मूल्य साढे १५ रुपैयाँ प्रतिलिटर र डिजेलको मूल्य साढे १६ रुपैयाँ प्रतिलिटर घटाएर मूल्य सूची पठाएको हो ।
अन्तर्राष्ट्रिय बजारमा कच्चा तेलको मूल्य घटेर १०० डलर प्रतिब्यारेलमा आइपुगेपछि आईओसीले पनि मूल्य घटाएर मूल्य सूची पठाएको हो ।
भारतबाट मूल्य सूची घटेर आएपनि नेपालमा भने पेट्रोलियम पदार्थको मूल्य नघट्ने भएको छ ।
नेपाल आयल निगमले आईओसीलाई अझै ३१ अर्ब भन्दा धेरै रकम तिर्न बाँकी रहेको भन्दै मूल्य नघट्ने जनाएको हो ।
प्रतिक्रिया