काठमाडौं । कास्कीको पोखरा महानगरपालिकामा नेकपा एकीकृत समाजवादीका मेयरका उम्मेदवार धनराज आचार्यले आफ्नो अग्रता झनै फराकिलो बनाउँदै लगेका छन् ।
पछिल्लो मत परिणामअनुसार आचार्यले २६ हजार ९ सय ६८ मत प्राप्त गरेका छन् । उनलाई नेकपा एमालेका कृष्ण थापाले २३ हजार ६ सय ९८ मत प्राप्त गर्दै पछ्याई रहेका छन् ।
राप्रपाका शंकर खरालले २ हजार ७ सय १९ मत प्राप्त गरेका छन् भने लौरो चिन्नका उम्मेदवार खड्कराज (गणेश) पौडेलले २ हजार २ सय ८४ मत प्राप्त गरेका छन् ।
यस्तै, उपमेयरमा नेपाली कांग्रेसकी उम्मेदवार कोपिला रानाभाटले अग्रता कायम राखेकी छिन् ।
उनले २७ हजार २ सय ८४ मत प्राप्त गरेकी छिन् भने एमालेकी उपमेयरकी उम्मेदवार मञ्जुदेवी गुरुङले २७ हजार १ सय १९ मत प्राप्त गर्दै पछ्याई रहेकी छिन् ।
प्रतिक्रिया