Logo

समाचार

आफूले मतदातासँग कर गरेर भोट नमागेको चन्दको दाबी



रोल्पा । जिल्लाको परिवर्तन गाँउपालिकामा संयुक्त तीन दलीय गठबन्धनबाट साँझा अध्यक्ष पदका उम्मेदवार कांग्रेस नेता विश्व कुमार चन्दले आफूले मतदातासँग कर गरेर भोट नमागेको बताएका छन् । सोमबार नियमित घरदैलो कार्यक्रममा परिवर्तन– ६ को विभिन्न टोलका मतदातासँग भेटघाट गर्दै सो कुरा बताएका हुन् ।

‘म परिवर्तन गाउँपालिकाको सबै वडामा पुगेको छु’ चन्दले भने ‘मैले मतदाताहरुसँग भोट मागेको छु त मैले करगरेको छैन मलाई मनपर्छ दिनुहोस् मनपर्दै नदिहोस म दिनुपर्छ भनेर कर गर्दिन र गर्नु पनि हुन्न, मलाई परिवर्तन गाउँपालिकाका जनताहरुले धेरैले चिनछ्न र धेरैले विश्वास पनि गर्छन् त्यो भनिरहनु पर्दैन। ’

चन्द स्वच्छ छवी भएको, सहयोगी, मिलनशार र मेहनती भएको स्थानीय बताउछन्। ‘साच्चिकै परिवर्तन गाउँपालिकामा चन्द अध्यक्ष भएर आएमा पालिकाको मुहार फेरिन्नेमा विश्वस्त छु,’ एक स्थानीयले भने।

शिक्षा,स्वास्थ्य,सडक,खानेपानी, सिचाइ,सञ्चार,पर्यटन,रोजगार,कृषि तथा पशु लगाएतका एजेन्डा लिएर चन्द चुनावी मैदानमा होमिएको प्रचारप्रसार संयोजक सुर्य प्रकाश बुढामगरले जानकारी दिए ।

साथै घरदैलो कार्यक्रममा संयुक्त तीन दलीय गठबन्धनका नेकपा एमाले बाट परिवर्तन गाउँपालिका उपाध्यक्ष उम्मेदवार सपना रोका(घर्ती)को समेत सहभागि थिइन् । घर्तीले पनि आफूलाई अमुल्य भोट दिएर आफ्नो सबै प्यानललाई विजयी गराउन आग्रह गरेकि छन्।

प्रकाशित मिति : २७ बैशाख २०७९, मंगलबार  ८ : ०७ बजे

हेल्पिङ हर्ट नेपालको सहयोगमा विपन्न परीवारलाई कम्बल वितरण सिरहा । तराई मधेशका जिल्लामा चिसोबढेसँगै सिराहाका विभिन्न पालिकामा अतिविपन्न घर परीवारलाई कम्बल वितरण गरिएको छ।  हेल्पिङ हर्ट नेपालको सहयोगमा जिल्लाको लहान, गोलबजार, महनौर र अर्नमा गाउँ पालिकामा गरी २५० गरिव, दलीत, विपन्न तथा एकलमहिलालाई कम्बल प्रदान गरिएको हो । सिराहामा बढ्दो सितलहरका कारण विपन्न परिवारका सदस्यको कठ्याङ्ग्रिएर मृत्युसम्म हुने गरेकाले चिसोबाट जोगिन जिल्लाको लहान नगरपालिकाको ५ र १९ नम्वर वडामा ५०/५० थान, गोलबजार नगरपालिका ११ थान, नरहा गाउँपालिका ३ थान र खोरिया, अर्नमागाउँ पालिका १ थान, महनौरमा ५०/५० घर परीवारलाई कम्बल प्रदान गरिएको संस्थाका जिल्ला संयोजक जियाउद्दिन खानले बताए ।