काठमाडौं । विराटनगरस्थित नोबेल अस्पतालका एक चिकित्सक मृत अवस्थामा फेला परेका छन् ।
सप्तरी घर भई विगत तीन वर्षदेखि नोबेल अस्पतालमा कार्यरत २८ वर्षीय विजय यादव मृत फेला परेका हुन् । उनलाई अस्पताल अगाडि मृतवस्थामा फेला पारिएको प्रहरीले जनाएको छ ।
उनी अर्थोपेडिक वार्डमा कार्यरत थिए । स्थानीयहरुले तथा मृतकका आफन्तहरुले उनको हत्या भएको आरोप लगाउँदै नाराबाजी गरिरहेका छन् ।
अनुसन्धानलाई अगाडि बढाइएको प्रहरीले जानकारी दिएको छ ।
प्रतिक्रिया