इरानको सरकारी मिडियाले भन्यो- इजरायली आक्रमणमा आईआरजीसी प्रमुख हुसेन सलामीको मृत्यु

काठमाडौं । इरानको राज्य सञ्चालित सञ्चारमाध्यमले इरानको क्रान्तिकारी गार्डका प्रमुख हुसेन सलामीको इजरायली आक्रमणमा मृत्यु भएको जानकारी दिएको छ । उनी इजरायली आक्रमणमा मारिएका केही शीर्ष अधिकारीहरूमध्ये एक हुन् ।

इरानी सरकारी टेलिभिजनले इजरायली आक्रमणमा मारिएका दुई वरिष्ठ आणविक वैज्ञानिकहरूको नाम सार्वजनिक गरेको छ ।

यसमा आणविक ऊर्जा संगठनका पूर्व प्रमुख फेरेदुन अब्बासी र तेहरानस्थित इस्लामिक आजाद विश्वविद्यालयका अध्यक्ष मोहम्मद मेहदी तेहरानची समावेश छन् । २०१० मा, तेहरानको एउटा सडकमा फेरियदुन अब्बासीलाई मार्ने प्रयास गरिएको थियो । उनी बाँचे ।

इजरायलले इरानको आणविक कार्यक्रम र अन्य सैन्य प्रतिष्ठानहरूसँग सम्बन्धित स्थलहरूमा लक्षित आक्रमण गरेको बताएको छ ।

इरानी सरकारी टेलिभिजनले नातान्ज आणविक केन्द्रमा नयाँ विस्फोट भएको रिपोर्ट गरेको छ । यो आणविक केन्द्र तेहरानबाट लगभग २२५ किलोमिटर दक्षिणमा अवस्थित छ । बीबीसी