मुगु । मुगुमा वैदेशिक रोजगारी सम्बन्धि अभिमुखीकरण कार्यक्रम आयोजना गरिएको छ । कर्णाली प्रदेश सरकार उद्योग, पर्यटन,वन तथा वातावरण मन्त्रालयको आयोजनामा गमगढीमा सरोकारवालाहरुलाई सहभागी गराई सुरक्षित आप्रवास (सामी) कार्यक्रम सम्बन्धी छलफल तथा अभिमुखी कार्यक्रम गरिएको हो ।
कर्णालीबाट बैदेशीक रोजगारमा जानेहरुको साथै मुगुको ताजा अवस्थाबारे अभिमुखीकरण गरिएको हो । जिल्लामा रहेको एक नगरपालिका, तीन गाँउपालिकामा रोजगारीको अवस्था र विदेशिएकाहरुको सुरक्षाबारे छलफल गरिएको थियो । कार्यक्रममा वित्तीय साक्षरता तथा मनोसामाजिक परामर्श तथा अभिमुखिकरण गरिएको हो ।
बैदेशीक रोजगार सम्बन्धी जनचेतना, परामर्श, मनोसामाजिक कक्षा जनचेतनामुलक कार्य ग्रामीण बस्ती बस्तीहरुसम्म पुर्याउनुपर्ने भएकाले यस्तो कार्यक्रमको आयोजना गरिएको सोरु गाँउपालिकाका अध्यक्ष धर्म बहादुर शाहीले बताए । वैदेशिक रोजगारीलाई व्यवस्थित तथा मर्यादित एवम् शोषणरहित बनाउदै प्राप्त विप्रेषणको सहि सदुपयोग गरि देशभित्रै रोजगारीको अवसरहरु सिर्जना गर्ने, आय आर्जनमा वृद्धि गरि भविष्यमा सहज जिविकोपार्जन गर्ने गराउने उद्देश्य राखिएको छाँयानाथ रारा नगरपालिकाका नगर प्रमुख बिस्नु कुमार भामले बताए ।
आ.व ०८०।०८१को नेपालबाट श्रम स्वीकृति प्रदान गरिएको मुलुकभरको संख्या ७ लाख ४१ हजार २ सय ९७ रहेको छ । जसमध्ये कर्णाली प्रदेशबाट मात्र २४ हजार १ सय ७५ जना रहेको छ । कर्णाली प्रदेश बाट श्रम स्वीकृति लिएको मुगु जिल्लाको रेकर्ड अनुसार पुरुष ४ सय ९९९ जना महिला ३८ जना गरी जम्मपाँच सय ३७ जना रहेको अभिलेखमा रहेको छन ।
प्रतिक्रिया