जुवा खेल्दै गरेको अवस्थामा नगदसहित १३ जना पक्राउ

काठमाडौं । तनहुँको शुक्लागण्डकी नगरपालिका-२, हलेदीमा जुवाको खालबाट ६ लाख ४३ हजार १९० रुपैयाँसहित १३ जनालाई प्रहरीले पक्राउ गरेको छ।

स्थानीय मानबहादुर घलेको घरमा कौडा खेलिरहेका यी व्यक्तिहरूलाई बेलचौतारास्थित इलाका प्रहरी कार्यालयबाट खटिएको प्रहरी टोलीले बुधबार राति पक्राउ गरेको हो।

प्रहरीले जुवा खेलिरहेको अवस्थामा १६ थान कौडा पनि बरामद गरेको छ। पक्राउ परेकाहरूलाई मुलुकी अपराध संहिताअनुसार कारबाही प्रक्रिया अघि बढाउने तयारी गरिएको प्रहरीले जानकारी दिएको छ।