आईपीएल २०२२ मा २७ खेलाडी रिटेन, कुन टिममा को-को ?

१५ मंसिर, काठमाडौं । इन्डियन प्रिमियर लिग (आईपीएल) २०२२ का लागि पुराना ८ फ्रेन्चाइजले कुल २७ खेलाडी रिटेन गरेका छन् ।

१५औं संस्करणको आईपीएलमा लागि मेगा अक्सन हुँदैछ र त्यसअघि फ्रेन्चाइजलाई बढीमा चार खेलाडी रिटेन गर्न दिइएको छ । नोभेम्बर ३० सम्मको डेडलाइनमा ८ फ्रेन्चाइजले आफ्नो अनुकूल अनुसार खेलाडी रिटेन गरेका छन् । जसमा चार टिमले चाररचार खेलाडी रिटेन गर्दा तीन टिमले समान तीन र एक टिमले २ खेलाडी मात्र रिटेन गरेका छन् ।

चार खेलाडी रिटेन गर्ने टिमको ४२ करोड तलब खर्च हुनेछ । यस्तै तीन खेलाडी रिटेन गर्नेको ३३ करोड र दुई खेलाडी रिटेन गर्ने टिमको १८ करोड खर्च हुनेछ ।

यस पटक खेलाडीको लागि एक टिमले कुल ९० करोड भारु खर्च गर्न पाउनेछ । अक्सनअघि पञ्जाव किंग्ससँग सबैभन्दा धेरै ७२ करोड रकम बाँकी छ ।

आईपीएलमा दुई नयाँ टिम थपिएपछि नयाँ सिजन १० टिमबीच प्रतिस्पर्धा हुने छ । दुई नयाँ टिम लखनउ र अहेमदावादले भने रिटेन गरेका बाहेकका खेलाडीबाट अक्सन अघि तीनरतीन खेलाडी राख्न पाउनेछन् । जसमा बढीमा दुई भारतीय र एक विदेशी खेलाडी रहनेछन् ।

कुन टिमले कुन-कुन खेलाडी रिटेन गरे ?

चेन्नाई सुपर किंग्स : रवीन्द्र जडेजा, महेन्द्र सिंह धोनी, मोइन अली, रुतुजा गायकवाड ।

मुम्बई इन्डियन्स : रोहित शर्मा, जसप्रित बुमराह, सूर्य कुमार यादव, कायरन पोलार्ड ।

दिल्ली : ऋषभ पन्त, अक्षर पटेल, पृथ्वी शा, एनरिक नोर्किअ ।

कोलकता नाइट राइडर्स : आन्द्रे रसेल, बेनकाटेस अयेर, वरुण चक्रवर्ती, सुनिल नारिन ।

रोयल च्यालेन्जर्स बैंगलोर : विराट कोहली, ग्लेन म्याक्सवेल, मोहम्मद सिराज ।

राजस्थान रोयल्स : सन्जु सामसन, जोस बटलर, यशस्वी जैशवाल ।

सनराइजर्स हैदरावाद : केन विलियम्सन, अब्दुल सामद, उर्मान मलिक ।

पञ्जाब किंग्स : मायांक अग्रवाल, अर्शदी सिंह ।