जुम्लामा आगलागी हुँदा १ जनाको मृत्यु

जुम्ला । जुम्लाको चन्दननाथ नगरपालिका–१ ठिन्केमा आगलागी हुँदा १ जनाको मृत्यु भएको छ । चन्दननाथका लोकबहादुर भण्डारीको घर आगलागी भएको हो । मृत्यु हुनेमा १६ वर्षकी वन्दना भण्डारी रहेको प्रहरी कार्यालय जुम्लाले जनाएको छ ।

घरभित्र सुतिरहेको अवस्थामा आगलागी हुँदा उनको मृत्यु भएको हो। राति १२ बजेतिर आगलागी भएको जिल्ला प्रहरी कार्यालय जुम्लाका डिएसपी नरेन्द्र चन्दले बताए । आगलागीबाट भएको क्षतिबारे अनुसन्धान भइरहेको प्रहरीले जनाएको छ ।