काठमाडौं । न्युकासलले इंगलिस लिग कपको सेमिफाइनल पहिलो लेगमा साउथह्याम्पटनलाई १–० ले पराजित गरेको छ ।
अवे मैदानमा प्राप्त जितपछि न्युकासललाई घरेलु मैदानमा खेल्दा फाइदा हुनेछ । न्युकासलले एक कदम फाइनलतर्फ अघि सारेको छ ।
न्युकासलका लागि जोएलिन्टनले खेलको ७३औं मिनेटमा गोल गरेका थिए । साउथह्याम्पटनका डुजे कालेटा कञारले ८६औं मिनेटमा रातो कार्ड पाएका थिए ।
यस जितपछि फाइनल पुग्नका लागि न्युकासल दाबेदारको रुपमा छ । सन् १९९९ को एफए कप फाइनलपछि न्युकासल पहिलो पटक मुख्य प्रतियोगिताको फाइनल पुग्ने लक्ष्यमा छ ।
न्युकासल र साउथह्याम्पटनबीचको दोस्रो लेगको खेल आगामी मंगलबार हुनेछ ।
लिग कपको अर्को सेमिफाइनल म्यानचेष्टर युनाइटेड र नटिङहम फरेस्टबीच हुनेछ ।
प्रतिक्रिया