बाजुराको खप्तड छेडेदह ६ का वडाध्यक्ष विष्टको निधन

बाजुरा । बाजुराको खप्तड छेडेदह गाउँपालिका वडा.नम्बर ६ का वडाध्यक्ष हर्कबहादुर विष्टको निधन भएको छ ।

गए राति उनको ५० वर्षको उमेरमा निधन भएको पारिवारिक श्रोतले बताएको छ । विष्ट २०७९ सालको स्थानीय तहको निर्वाचनमा नेपाली कांग्रेसबाट वडाध्यक्ष पदमा निर्वाचित भएका थिए ।

लामो समयदेखि क्यान्सर रोगबाट ग्रसित उनको निधले सिंगो गाउँपालिका शोकमग्न भएको छ । उनी टाउकाको क्यान्सर बाट पीडित रहेका थिए ।

समाजसेवी समेत रहेका वडाध्यक्ष विष्टको निधनमा गाउँपालिकाले एक दिन शोक बिदा दिने र आधा झन्डा झुकाउने गाउँपालिकाका अध्यक्ष दिलबहादुर रावतले जानकारी दिए।मृतक विष्टको अन्तिम दाहसंस्कार आजै गरिने बताइएको छ ।