काठमाडौं । चौधरी समूह अन्तर्गतको अग्रणी विद्युतीय सामग्री वितरक सिजी इलेकट्रोनिक्सले क्रम्प्टन ब्रान्डका उत्पादनहरूमा नयाँ वर्ष २०८३ लाई लक्षित गर्दै विशेष उपभोक्ता योजना सार्वजनिक गरेको छ ।
‘गर्मीले होइन, क्रम्प्टन ले जित्छ’ भन्ने मुख्य सन्देशका साथ कम्पनीले यो आकर्षक उपहार योजना ल्याएको हो । गर्मी मौसमको सुरुवात र नयाँ वर्षको अवसर पारेर ल्याइएको यस क्याम्पेन अन्तर्गत ग्राहकहरूले क्रम्प्टनका घरायसी उपकरणहरूको खरिदमा मूल्यवान उपहारहरू जित्न सक्नेछन् । योजनामा सहभागी हुन ग्राहकले क्रम्प्टनका उत्पादन खरिद गरेपछि त्यसमा रहेको क्यूआरकोड स्क्यान गरी आफ्नो विवरण दर्ता गर्नुपर्नेछ ।
यस योजनाको मुख्य आकर्षणका रूपमा ‘बम्पर उपहार’ माइडिया ब्रान्डको २३६ लिटरको डबल डोर रेफ्रिजेरेटर राखिएको छ । यसका साथै, हरेक १५ दिनमा एकजना भाग्यशाली विजेतालाई ‘कम्प्युटराइज्ड लक्की ड्र’ मार्फत क्रम्प्टनकै मिक्सर ग्राइन्डर प्रदान गरिने कम्पनीले जनाएको छ ।
८५ वर्षभन्दा लामो गौरवशाली इतिहास बोकेको क्रम्प्टन भारतको नम्बर १ पङ्खा ब्रान्ड हो । यसले पङ्खाका अतिरिक्त एयर कूलर, वाटर हिटर, मिक्सर ग्राइन्डर जस्ता गुणस्तरीय उपकरणहरू उत्पादन गर्दै आएको छ । ऊर्जा दक्षता, टिकाउपन र आधुनिक डिजाइनका लागि परिचित यस ब्रान्डका उत्पादनहरू नेपालभर सिजी इलेकट्रोनिक्सका शोरूम तथा अधिकृत डिलरहरूमार्फत उपलब्ध छन् ।
कम्पनीले यस अफरमार्फत उपभोक्ताहरूलाई उत्कृष्ट कूलिङ समाधान प्रदान गर्नुका साथै लाभदायक खरिद अनुभव दिने विश्वास लिएको छ । यो योजनामा केही सर्तहरू लागू हुने र इच्छुक ग्राहकले नजिकैको डिलरमा गई सहभागी हुन सक्ने कम्पनीले जानकारी दिएको छ ।
प्रतिक्रिया