काठमाडौं । नेपाल मानव धर्म सेवा समितिले आयोजना गरेको वृहत रक्तदान कार्यक्रममा ८७ जनाले रक्तदान गरेका छन् ।
हिन्दु धर्मावलम्बिहरुको महान चार्ड महाशिवरात्रीको अवसर पारेर आयोजना गरेको रक्तदान कार्यक्रम हिमाल व्लर्ड एशोशियसनसंगको सहकार्यमा सम्पन्न भएको थियो ।
रक्तदान जीवन दान, आत्माज्ञान अति महान भन्ने नाराका साथ सम्पन्न रक्तदान कार्यक्रममा बोल्दै समितिकी केन्द्र प्रमुख महात्मा चमेली वाईजीले आपतकालिन अवस्थामा संस्था सधै रक्तदान गर्न तयार रहेको बताए ।
उनले भने, ‘रगतको अभाव अरु कुनै पनि कुराले पुरा गर्न सक्दैन । त्यसै खेर जाने रगत दिदा कसैको जीवन वचाउन सकिन्छ भने किन नदिने ?’
यस्तै, हिमाल हस्पिटलकी ल्याव टेक्नोलोजिष्ट निशा भण्डारीका अनुसार अरु संस्थामा भन्दा मानव धर्ममा भएको रक्तदान कार्यक्रममा उत्साहजनक सहभागिता रहेको बताए ।
उनले भनिन्, ‘अन्त संकलनका लागि जादा पुरुषको संख्या बढी हुने गरेको तर यहाँ भने महिलाहरु नै स्वः स्फुर्त रुपमा आएको देखेर खुसि लाग्छ ।’ भण्डारीका अनुसार समितिमा सबै शाकाहारी भएको र अल्कोहका कारण रिजेक्सन नभएका कारण पनि संकलन राम्रो हुने गरेको छ ।
२० पटक रक्तदान गरिसकेका कुमार ओझाका अनुसार शुरुमा आफुले दिएको रगतले एउटी सुत्केरी महिलालाई बचाउन सकेको र उनले पाएको पुर्नजीवनले परिवारमा ल्याएको खुसीले आफूलाई सधैभरी रक्तदान गर्न प्रेरणा दिएको बताए । समितिले हरेक वर्ष विभिन्न अवसर पारेर रक्तदान कार्यक्रम गर्दै आइरहेको छ ।
प्रतिक्रिया