काठमाडौं । स्वास्थ्य तथा जनसंख्या मन्त्री मोहन बहादुर बस्नेतले सरकारले लागु गरेको पूर्ण खोप कार्यक्रम अगाडि बढ्न नसकेको बताएका छन् ।
राष्ट्रिय दादुरा–रुबेला खोप अभियानको उच्चस्तरीय बैठकमा बोल्दै उनले पूर्ण खोप कार्यक्रम ५२ प्रतिशतभन्दा माथि उठ्न नसकेको भन्दै यसरी लक्ष्य पुरा नहुने बताए ।
मन्त्री बस्नेतले पूर्ण खोप प्रोजेक्ट अन्तर्गत नेपालमा आउने बजेटको अन्धाधुन्ध रपमा खर्च भइरहेको भन्दै यसको छानबिन गर्नुपर्ने बताए ।
स्वास्थ्य क्षेत्रमा सञ्चालित कार्यक्रमहरुका लक्ष्य पुरा नहुन कसले रोक्यो भन्ने प्रश्न गर्दै उनले म्याचफिक्सिङ् भएको उल्लेख गरे ।
स्वास्थ्य मन्त्रालय संवेदना बोकेको मन्त्रालय भएको बताउँदै उनले परिणममुखी नतिजा आउन गरि काम गर्न आग्रह गरे ।
प्रतिक्रिया