काठमाडौं । इटालियन सिरी ए फुटबलमा युभेन्टस विजयी भएको छ । मंगलबार राति भएको खेलमा युभेन्टसले सासुलोलाई ३–० गोल अन्तरले पराजित गरेको हो । युभेन्टसको जितमा डुआन भोलोभिकले २ गोल गर्दा फडरिका चिएसाले १ गोल थपेका थिए ।
घरेलु मैदानमा युभेन्टसले १५ औं मिनेटमा भालोभिकको गोलको मद्दतले अग्रता लिएको थियो । ३७ औं मिनेटमा उनैले व्यक्तिगत दोस्रो गोल गर्दा युभेन्टसको अग्रता पनि दोब्बर भएको थियो । पहिलो हाफमा २ गोल गरेको युभेन्टसले दोस्रो हाफमा १ गोल थपको थियो ।
८९ औं मिनेटमा चिएसाले गोल गर्दै युभेन्टसलाई ३–० को फराकिलो जित दिलाए । जितसँगै ३ अंक जोडेको युभेन्टस ४९ अंकका साथ दोस्रो स्थानमा रहेको छ । शीर्ष स्थानमा रहेको इन्टर मिलानभन्दा युभेन्टस २ अंकले पछि छ । इन्टर मिलानको ५१ अंक रहेको छ । युभेन्टससँग पराजित भएको सासुलो भने १९ अंकका साथ तालिकाको १४ औं स्थानमा छ ।
प्रतिक्रिया